ႁႅင်းၵၢၼ်ၵူၼ်းမိူင်းမၢၼ်ႈ ထုၵ်ႇမႃၶၢင်ႈတၢင်းၶူပ်း ၸပ်းတၢင်းပဵၼ်မႃမႃႈသေ လူႉတၢႆ
ႁွင်ႈၵၢၼ်ၾၢႆႇၵုမ်းထိင်းတၢင်းပဵၼ် (DDC) မိူင်းထႆး ပိုၼ်ၽၢဝ်ႇဢွၵ်ႇမႃးဝႃႈ – မီးႁႅင်းၵၢၼ်ၸၢႆး ၵူၼ်းမိူင်းမၢၼ်ႈၵေႃႉၼိုင်ႈ ယူႇၼႂ်းၸႄႈတွၼ်ႈရယွင်း၊ မိူင်းထႆး တၢႆယွၼ်ႉတၢင်းပဵၼ်မႃမႃႈၼႂ်းပီ 2026 ၼႆႉဝႃႈၼႆ။ ၵေႃႉတၢႆယွၼ်ႉတၢင်းပဵၼ်မႃမႃႈ မိူဝ်ႈဝၼ်းတီႈ 13/02/2026 ၼႆႉ ဢႃယုမၼ်းၸၢႆးတိုၵ်ႉမီး 36 ပီ ၊ မိူဝ်ႈလိူၼ်တီႊသႅမ်ႊပိူဝ်ႊ 2025 ပူၼ်ႉမႃးၼႆႉ မၼ်းၸၢႆးႁႃး မႃၶၢင်ႈတၢင်း ၶူပ်းတီႈမိုဝ်း။ မိူဝ်ႈၼၼ်ႉ မၼ်းၸၢႆး ဢမ်ႇလႆႈၵႂႃႇသမ်းၶဵမ်ယႃႈႁႄႉၵင်ႈတၢင်းပဵၼ်။ ထိုင်မႃးၼႂ်းဝၼ်းတီႈ 23 လိူၼ်ၵျႅၼ်ႊၼိဝ်ႊရီႊၼႆႉ မၼ်းၸၢႆးပဵၼ် ထူၺ်ႈၸႂ်ၵပ်ႉ၊ ႁူဝ်ၶႆႈ၊ မဝ်း။ ဝၢႆးၼၼ်ႉ လၢႆဝၼ်းၵေႃႈ လႆႈလူႉတၢႆၵႂႃႇ။ ယၢမ်းလဵဝ် မႃတူဝ်ၼၼ်ႉ ၽူႈမီးပုၼ်ႈၽွၼ်း ၵႂႃႇႁႃၶိုၼ်းၵေႃႈဢမ်ႇႁၼ်လႄႈ တၢႆႁိုဝ်တိုၵ်ႉမီးယူႇႁိုဝ်ၵေႃႈဢမ်ႇႁူႉ။ ဢွၼ်ၵၼ်မႆႈၸႂ်ယူႇဝႃႈ ၵူဝ်မၼ်းၵႂႃႇၶူပ်းထႅင်ႈတၢင်ႇၵေႃႉသေ ၵူဝ်မီးၵူၼ်းတၢႆယွၼ်ႉတၢင်းပဵၼ်မႃမႃႈၼမ်မႃးတိၵ်းတိၵ်း ဝႃႈၼႆ။ ၸွမ်းၼင်ႇ ၶေႃႈပိုၼ်ၽၢဝ်ႇ DDC သေ မိူဝ်ႈပီၵၢႆၵေႃႈ ၼႂ်းလၢႆၸႄႈတွၼ်ႈမိူင်းထႆး မီးၵူၼ်းလူႉတၢႆယွၼ်ႉတၢင်းပဵၼ်မႃမႃႈ [...]The post ႁႅင်းၵၢၼ်ၵူၼ်းမိူင်းမၢၼ်ႈ ထုၵ်ႇမႃၶၢင်ႈတၢင်းၶူပ်း ၸပ်းတၢင်းပဵၼ်မႃမႃႈသေ လူႉတၢႆ appeared first on SHAN News.
2026-02-17 02:53:26