ၾႆးမႆႈၼႂ်းၵၢတ်ႇလူင်ဝဵင်းလႃႈသဵဝ်ႈ ၶၢဝ်းလဵဝ်ၵၼ် သၢမ်တီႈ
မိူဝ်ႈဝႃး ဝၼ်းတီႈ 16 လိူၼ်ၾႅပ်ႉပိဝ်ႊရီႇ ယၢမ်းဝၢႆးဝၼ်းမွၵ်ႈ 3 မူင်းၶိုင်ႈ ၾႆးမႆႈႁၢၼ်ႉၶၢႆၵုၼ်ႇ ၼႂ်းၵၢတ်ႇလူင်ဝဵင်းလႃႈသဵဝ်ႈ ၼႂ်းၶၢဝ်းယၢမ်းလဵဝ်ၵၼ် သၢမ်တီႈ ၵူၼ်းမိူင်းတၼ်းၶႄ ၶိုတ်းၶၢဝ်းယၢမ်းလႄႈ ဢမ်ႇတၼ်းလူႉသုမ်းၶူဝ်းၶွင် ၼမ် ဝႃႈၼႆ။ ၵူၼ်းမိူင်းၵေႃႉယူႇဝဵင်းလႃႈသဵဝ်ႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ “ပဵၼ်ၽွင်းႁဝ်းတိုၵ်ႉမီးၼႂ်းၵၢတ်ႇ၊ တိုၵ်ႉႁႃသိုဝ်ႉၶူဝ်းယူႇ။ ၵူၼ်းဢွၼ်ၵၼ်သၢၼ်ႈ ၽိူဝ်ႇထၢမ်တူၺ်းပဵၼ်ႁင်လႃႇၼႆ။ ၾႆးမႆႈၼႆၼၼ်ႉၼႃႇ။ မႆႈသၢမ်တီႈၽွမ်ႉၽွမ်ႉၵၼ်ဢေႃႈ။ ၵတ်ႉၵႃႈ တၼ်းၶႄၾႆးၶိုတ်းၵွၼ်ႇဢေႃႈ။ သင်ဢမ်ႇၼၼ်တႄႉ တေသုမ်း ႁူဝ်ပေႃးလၢၼ်ႉပေႃးလွၵ်ႇၵွၼ်ႇၶႃႈ ဢေႃႈ။ ပဵၼ်ၼႂ်းၵၢတ်ႇလူင်ၵမ်းသိုဝ်ႈၶႃႈလူး” ဝႃႈၼႆ။ ယွၼ်ႉၾႆးၵိုင်ႉၵၢင်ႉလုၵ်ႉမႆႈၵႂႃႇၶၢဝ်းလဵဝ်ၵၼ်သၢမ်တီႈ လႄႈ ၵူၼ်းမိူင်းၵမ်ႈၼမ်ဢွၼ်ၵၼ်ႁူင်လိုဝ်းၵၼ်ဝႃႈ ပဵၼ်ႁွႆးမိုဝ်းၸုမ်းၸီႇပိၼ်ႇ တႂ်ႈသိုၵ်းမၢၼ်ႈႁဵတ်း- ၶႂ်ႈၵဝ်းႁႂ်ႈငဝ်းလၢႆးဝၢၼ်ႈမိူင်းသုၵ်ႉ ၵူၺ်းဝႃႈၼႆ။ ၸဝ်ႈႁၢၼ်ႉၶၢႆၵုၼ်ႇၼႂ်းၵၢတ်ႇလူင်ဝဵင်းလႃႈသဵဝ်ႈၵေႃႉၼိုင်ႈ လၢတ်ႈတီႈၽူႈတွႆႇႁွၵ်ႈဝႃႈ – “ၾႆးမႆႈသၢမ်ယူင်ႇ။ တႃႇတီႈၼိုင်ႈၼႆႉ မႆႈတီႈဝႆႉၶူဝ်းၶွင် (ၵူဝ်ႇတွင်ႇ) ၵျႅၼ်ႇတၢႆးဢွင်ႇ ဢၼ်ၶၢႆ ၶိူင်ႈပရိၵ်ႉၶရႃႇ သၢင်ႇၵၢၼ်းၸိူဝ်း ၼၼ်ႉၼႃႇ။ တီႈပတွၵ်ႉယူင်ႇ တီႈၼိုင်ႈ၊ 555 မိူင်းဝုၼ်းယူင်ႇ [...]The post ၾႆးမႆႈၼႂ်းၵၢတ်ႇလူင်ဝဵင်းလႃႈသဵဝ်ႈ ၶၢဝ်းလဵဝ်ၵၼ် သၢမ်တီႈ appeared first on SHAN News.
2026-02-17 03:13:55