ПОЛИЦИСКИ ЕКИПИ НА ТЕРЕН - по дојавите за поставени бомби, екипите проверуваат дали има експлозивни направи во трговските центри

Министерството за внатрешни работи објави дека откако денеска ги добило дојавите за бомби во трговите центри Ист Гејт и Сити Мол во Скопје, на терен веднаш биле испратени екипи за проверка. Вработени во еден од трговските центри посочија дека околу 10:30 часот добиле известување дека треба да ги напуштат работните места, а трговскиот центар и по два часа не беше отворен за купувачите. - Денеска (19.04.2026) на електронска адреса на Министерството за внатрешни работи е добиена порака со закана дека во трговските центри „East gate“ и „Diamond“ во Скопје се поставени експлозивни направи - информираа од МВР. Полициски службеници, додаваат оттаму, преземаат мерки и вршат проверки во трговските центри. Ова е прв пат дојави за бомби да има за двата најголеми скопски трговски центри во недела, кога очекувано најголем дел од граѓаните пазарат таму бидејќи во другите продавници е неработен ден. ФОТО: МИА
2026-04-19 10:38:00