សេចក្តីប្រកាសព័ត៌មានរបស់សាលាដំបូងខេត្តកោះកុង ស្តីពីចំណាត់ការលើសំណុំរឿងពាក់ព័ន្ធនឹងករណី ឃាតកម្ម ប៉ុនប៉ងឃាតកម្ម និង មិនប្តឹងបរិហារបទឧក្រិដ្ឋ

ខេត្តកោះកុង៖ អ្នកនាំពាក្យសាលាដំបូងខេត្តកោះកុង នៅថ្ងៃទី១០ ខែមេសា ឆ្នាំ២០២៦នេះ មានកិត្តិយសសូមជម្រាបជូនដល់សាធារណជនមេត្តាជ្រាបថា៖ នៅថ្ងៃទី៨ ខែមេសា ឆ្នាំ២០២៦ សាលាដំបូងខេត្តកោះកុង បានទទួលចាត់ការលើសំណុំរឿងព្រហ្មទណ្ឌលេខៈ ១១៤ ចុះថ្ងៃទី៦ ខែមេសា ឆ្នាំ២០២៦ ដែលមានជនត្រូវចោទចំនួន៣នាក់៖ ១.ឈ្មោះ សាយ សាន្ត ភេទប្រុស កើតថ្ងៃទី១៩ ខែកញ្ញា ឆ្នាំ១៩៩១ (ឃាត់ខ្លួន) ត្រូវបានចោទប្រកាន់ពីបទ ឃាតកម្ម និងបទ ប៉ុនប៉ងឃាតកម្ម ប្រព្រឹត្តនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុង កាលពីថ្ងៃទី៣ ខែមេសា ឆ្នាំ២០២៦ បទល្មើសដែលមានបញ្ញត្តិឱ្យផ្តន្ទាទោសតាមមាត្រា ២៧ និងមាត្រា១៩៩ នៃក្រមព្រហ្មទណ្ឌ។ ២.ឈ្មោះ សាយ សៀវហ្វុង ភេទប្រុស កើតថ្ងៃទី១២ ខែវិច្ឆិកា ឆ្នាំ២០០៣ (ឃាត់ខ្លួន) ត្រូវបានចោទប្រកាន់ ពីបទ សមគំនិតក្នុងអំពើឃាតកម្ម និងបទ ប៉ុនប៉ងឃាតកម្ម ប្រព្រឹត្តនៅភូមិ៣ សង្កាត់ស្មាច់មានជ័យ ក្រុងខេមរភូមិន្ទ ...
2026-04-10 12:18:16