​ អ៊ីរ៉ង់​ បញ្ជាក់ថា ទីក្រុងតេអេរ៉ង់​ មិនស្វែងរកបទឈប់បាញ់នោះទេ ហើយក៏មិនមានហេតុផល​ ដើម្បីចរចាជាមួយអាមេរិកដែរ

តេអេរ៉ង់៖ រដ្ឋមន្ត្រីការបរទេសអ៊ីរ៉ង់ លោក Seyed Abbas Araghchi បានឧ្យដឹងថា ប្រទេសរបស់លោក​ មិនស្នើសុំបទឈប់បាញ់ជាមួយសហរដ្ឋអាមេរិក និងអ៊ីស្រាអែលនោះទេ ហើយក៏មិនឃើញមានហេតុផលណាមួយ​ ដើម្បីចរចាជាមួយទីក្រុងវ៉ាស៊ីនតោនដែរ។ លោកបានធ្វើការកត់សម្គាល់នេះ នៅក្នុងបទសម្ភាសន៍ជាមួយអ្នកផ្សាយព័ត៌មានអាមេរិក NBC News ដែលបានចាក់ផ្សាយនៅថ្ងៃព្រហស្បតិ៍។ លោក Araghchi បានលេីកឡេីងថា “យើងមិនស្នើសុំបទឈប់បាញ់នោះទេ ហើយយើងមិនឃើញមានហេតុផលណាមួយ​ ដែលយើងគួរចរចា ជាមួយសហរដ្ឋអាមេរិកដែរ​ នៅពេលដែលយើងបានចរចា ជាមួយពួកគេពីរដង ហើយរាល់ពេល ពួកគេបានវាយប្រហារ យើងនៅកណ្តាលការចរចា”។ ទាក់ទងនឹងលទ្ធភាព នៃការឈ្លានពានដីគោកដោយសហរដ្ឋអាមេរិកប្រឆាំងនឹងអ៊ីរ៉ង់ លោក Araghchi បានលេីកឡេីងថា “យើងកំពុងរង់ចាំពួកគេ ពីព្រោះយើងមានទំនុកចិត្តថា យើងអាចប្រឈមមុខនឹងពួកគេបាន ហើយនោះនឹងជាគ្រោះមហន្តរាយដ៏ធំមួយសម្រាប់ពួកគេ”។ លោកបានបន្ថែមថា អ៊ីរ៉ង់​ បានត្រៀមខ្លួនរួចជាស្រេចសម្រាប់ជម្លោះ ដែលកំពុងបន្ត ហើយបានត្រៀមខ្លួនរួចជាស្រេច​ សម្រាប់ព្រឹត្តិការណ៍ណាមួយផ្សេងទៀត សូម្បីតែការឈ្លានពានលើដីគោក ដោយសង្កត់ធ្ងន់ថា កងកម្លាំងប្រដាប់អាវុធរបស់ប្រទេសនេះ បានត្រៀមខ្លួនរួចជាស្រេច​ សម្រាប់សេណារីយ៉ូណាមួយ​ ដែលអាចកេីតឡេីង។ ទន្ទឹមនឹងនេះ អ៊ីរ៉ង់បាននិយាយកាលពីថ្ងៃព្រហស្បតិ៍ថា កងទ័ពជើងទឹកនៃកងឆ្មាំបដិវត្តន៍អ៊ីស្លាមរបស់ខ្លួន បានកំណត់គោលដៅនាវាផ្ទុកយន្តហោះ USS [...]
2026-03-07 06:59:07