လိူၼ်လဵဝ်ၵူၺ်း သိုၵ်းမၢၼ်ႈယိုတ်းမိူင်း ၶႃႈႁႅမ်ၵူၼ်းမိူင်း တၢႆၵႂႃႇ 200 ပၢႆ

ၼႂ်းၶၢဝ်းတၢင်းလိူၼ်သႅပ်ႊထႅမ်ႊပိူဝ်ႊ ပီ 2026 ၼႆႉၵူၺ်း သိုၵ်းမၢၼ်ႈယိုတ်းမိူင်း ၶႃႈႁႅမ်ၵူၼ်းမိူင်း ၸိူဝ်းယူႇၼႂ်းမိူင်းႁူမ်ႈတုမ် လူႉတၢႆၵႂႃႇ 204 ၵေႃႉၼႆ ၸုမ်းၸွႆႈထႅမ် ၵူၼ်းတူၵ်းၶွၵ်ႈၵၢၼ်မိူင်း (AAPP) ႁဵတ်းၽိုၼ်လိၵ်ႈႁၢႆးငၢၼ်းဢွၵ်ႇဝႆႉၼင်ႇၼႆ။ ၵူၼ်းၸိူဝ်းလူႉတၢႆၵႂႃႇတင်းသဵင်ႈၼႆႉ ပဵၼ်ယွၼ်ႉသိုၵ်းမၢၼ်ႈယိုတ်းမိူင်း ၸႂ်ႉတိုဝ်းႁိူဝ်းမိၼ်ပွႆႇမၢၵ်ႇသႂ်ႇသေ ၼႂ်း 200 ၵေႃႉပၢႆၼႆႉ တႃႇ 97 ၵေႃႉၼႆႉ ပဵၼ်လုၵ်ႈဢွၼ်ႇ ဢႃႇယု 12 ၶူပ်ႇ လႄႈ ၸိူဝ်းပႆႇပူၼ်ႉ ဢႃယု 18 ပီတင်း သဵင်ႈ ဝႃႈၼႆ။ ၼင်ႇႁိုဝ်တေႁူႉလႆႈဝႃႈၵူၼ်းမိူင်းၸိူဝ်းလူႉတၢႆၵႂႃႇၼၼ်ႉပဵၼ်ၽႂ်ယူႇတီႈလႂ်ၼႆၼၼ်ႉ ၾၢႆႇၸုမ်းပၵ်းတႃပႂ်ႉတူၺ်းၸွႆႈထႅမ်ၵူၼ်းတူၵ်းၶွၵ်ႈၵၢၼ်မိူင်းၶဝ်ၶတ်းၸႂ်ၵဵပ်းသဵၼ်ႈမၢႆလႆႈဝႆႉၵမ်ႈ ၽွင်ႈယူႇသေတႃႉ ၵူၼ်းလူႉတၢႆတႃႇ 104 ၵေႃႉတႄႉ ဢမ်ႇပႆႇၵဵပ်းဢဝ်လႆႈၶေႃႈမုၼ်းသင်ဝႆႉႁႂ်ႈတႅတ်ႈတေႃး ဝႃႈၼႆ။ မိူဝ်ႈပူၼ်ႉမႃး ဝၼ်းတီႈ 28 လိူၼ်သႅပ်ႊထႅမ်ႊပိူဝ်ႊၼၼ်ႉ သိုၵ်းမၢၼ်ႈယိုတ်းမိူင်း ၸႂ်ႉႁိူဝ်းမိၼ်တိုၵ်းပွႆႇမၢၵ်ႇသႂ်ႇ ႁိမ်းၵၢတ်ႇဢိၼ်ႊတီႊယိူဝ်ႊ ၼႂ်းၸႄႈဝဵင်းၵျွၵ်ႉတေႃႇ မိူင်းရၶႅင်ႇၼၼ်ႉသေ ၵူၼ်းမိူင်းလူႉတၢႆထင်တီႈၵႂႃႇ ပဵၼ်ၵေႃႇပဵၼ်ၵွင် မွၵ်ႈ 50 […] The post လိူၼ်လဵဝ်ၵူၺ်း သိုၵ်းမၢၼ်ႈယိုတ်းမိူင်း ၶႃႈႁႅမ်ၵူၼ်းမိူင်း တၢႆၵႂႃႇ 200 ပၢႆ appeared first on SHAN News .
2026-10-06 06:48:50