РЕКОРДЕН НАГРАДЕН ФОНД НА УСА ОПЕН: Најдобрите на турнирот ќе заработат по 5,5 милиони долари

Во 2026 година учесниците на УСА Опен ќе поделат рекордни 108 милиони долари, со што е поставен најголемиот награден фонд во историјата на професионалниот тенис. Победникот и победничката во сингл конкуренција ќе заработат по 5,5 милиони долари. Според организаторите, тоа е најголемата поединечна награда досега за шампион на еден тениски турнир. Сепак, високи награди ќе добијат и тенисерите кои ќе бидат елиминирани уште на стартот. Учесниците кои ќе загубат во првото коло ќе инкасираат по 140.000 долари. Наградниот фонд оваа година е зголемен за 20 отсто. Тоа е втора година по ред во која вкупната сума расте со ист интензитет. За само две години, наградниот фонд е зголемен за вкупно 44 отсто. The post РЕКОРДЕН НАГРАДЕН ФОНД НА УСА ОПЕН: Најдобрите на турнирот ќе заработат по 5,5 милиони долари appeared first on Радио Лидер .
2026-08-20 18:30:28